35w1d
重60.4kg
肚圍41.5吋
今日可能係弘弘出世前最後一次在超聲波見佢lu～Book左尤醫生12點鐘，等到差不多一點半先有得睇。BB已經5磅喇，頭圍、肚圍，都乎合週數，係手仔同腳仔只係僅僅合格，不過都屬正常，係中碼B。預計出世時應該有3kg左右。而家BB背脊骨已經去了左邊，醫生話依個係最靚嘅位。BB頭仔有少少已經落左骨盤，照超聲波時差d照唔晒，塊面就塞左入去，所以望唔到佢個樣lu，上次廣華個姑娘好勁，一摸就知BB轉左位。咁樣咪好快生得？仲有兩個星期就足月，好驚呀......弘弘你唔好咁早出嚟住，媽媽仲有好多野未做，等我準備好d你先出嚟呀。醫生提我有咩未準備好要立即1st priority做左先，唔好拖，希望我以完全放鬆嘅心情去生。同埋冇咩特別，唔洗再睇佢喇，因為下個月都生了。轉入直路，加油呀！
沒有留言:
張貼留言