Kai太的懷孕日記 @ 白蓮鬚清胎毒 (39w5d)

白蓮鬚糖水，係遠古流傳落嚟嘅民間偏方，可以去除胎毒，還可以幫助順產。但係又有好多媽媽話飲完好難開度數，連醫院嘅姑娘都叫唔好飲。眾說紛紜，所以我一直都掙扎究竟飲唔飲，只係飲椰青同芝麻湖清胎毒。上星期阿媽叫我煲白蓮鬚飲，我就話聽人講又話唔好飲，但係阿媽話唔怕架，話應該飲，奶奶都話可以飲，所以我就星期五買左一包白蓮鬚。

問題係，買完返去再check，其實白蓮鬚係用來清胎毒，應該由36週開始飲，臨盆前飲用效果不大！我都39週，咁仲飲唔飲好......

【白蓮鬚功效】:

1) 固澀 白蓮鬚乃蓮花的花蕊, 性平味甘, 有固澀、補腎、解熱毒之效, 而雞蛋則有蛋白質, 此糖水確有助防止生產時大量流血的作用。

2) 補腎 由於孕婦需要養胎, 腎氣必定有損耗, 具補腎作用的白蓮鬚能使孕婦生產時有氣力, 生產過程會較順利。

3) 解胎毒 所謂胎毒, 是指孕婦身體內因常吃油炸食物而產生的「血熱」, 令嬰兒出生後易生瘡、奶癬等皮膚病。孕婦在懷孕後六個月飲用此糖水才具清胎毒之效, 將近臨盆時飲用效果不大。

【飲用時間】 臨盆前一個月至十五天前飲用。白蓮鬚屬平性的食物, 無論涼、熱底的人都適合食用。一星期可飲用1至2次。如要清胎毒之效, 孕婦則在懷孕後六個月飲用此糖水才具清胎毒之效, 將近臨盆時飲用效果不大。

尋日又同媽媽奶奶講起依個問題，佢地話，咁你都買左囉，唔煲擺係度咪仲嘥，咁又係。所以今日就決定煲嚟飲。

上星期在太子某藥房買，佢話要$20兩，買左$20，佢話可以煲到兩次，都唔知係咪俾人呃，明明d人話買幾蚊就得。搵左好多食譜，都冇講白蓮鬚嘅份量，淨係話用$3 / $5 / $6 份量，鬼知佢地指嘅　$3 / $5 / $6 即係幾多咩......始終係中藥，唔想段估，好彩搵到另一個終於有講清楚份量。

【食譜】 :
材料:
白蓮鬚…………..3錢 (約10g)
雞蛋……………..1隻
冰糖…………......適量
水………………..3碗

製法: 開水放入白蓮鬚及雞蛋(連蛋殼), 煲滾後以慢火煲45分鐘, 以冰糖調味即成。

煲完試飲，我覺得幾好飲喎，顏色同味道都有d似桑寄生蛋茶。