Kai Kai Family @ 小KaiKai之成長日記: Kai太的懷孕日記 @ 最後衝刺 (38w5d)

2016年12月7日星期三

Kai太的懷孕日記 @ 最後衝刺 (38w5d)

本來以為阿B依幾日會出世，點知一直未有動靜。見身體狀態好，今日自己一個人出街去AEON買野，我係臨急抱佛腳媽媽，而家仲有幾樣野未買：
１）電磁爐可用瓦煲(翻熱薑醋用)
２）ＮＵＫ洗奶樽液
３）奶樽

一係唔買，去開見到其他BB野又想買埋，但係作為一個就生嘅大肚婆，唔方便拎重野喇。因為我唔係AEON會員，所以嬰兒用品要買滿$690先可以免費送貨。揀呀揀呀，不知不覺就行左個幾鐘，最後買左呢堆。

買完去左買瓦煲，依個好緊要，媽媽同奶奶都會煲薑醋俾我，但係我屋企用電磁爐，金屬煲唔可以用來煲薑醋，所以一定要買個電磁爐可用瓦煲來翻熱d薑醋。搵左好耐終於搵到一款叫「味之窯」可以俾電磁爐用的瓦煲，可惜......AEON得兩個size，兩個都係扁的，沒有高身湯煲款。上網search見到有其他款架，高身湯煲款有4.5L及6L，但係只搵到實惠有得賣6L款，4.5L款唔知邊度有。