Kai太的懷孕日記 @ 有關孕婦胸圍

承上文，因為網上面好少人談及孕婦胸圍，難得今日買到兩款唔同價錢，又幾舒服的無鋼綫胸圍，希望分享下。

１）中價Bra — 「元氣媽咪」日本風孕哺內衣 $199@

第一款係護協買的「元氣媽咪」日本風孕哺內衣 ($199)，佢另外仲有一款「學院風孕哺內衣」幾Kawaii的前開鈕款 ($150)，但果款冇連胸墊。比較起上來，日本風好d，有胸墊同延長背鉤。

元氣媽咪 日本風孕哺乳內衣

元氣媽咪 學院風孕哺乳內衣

另一個最困擾的原因係：「到底應該買咩碼好呢？」未有BB之前我著開75C/75D，依個牌子有分M、L、XL，我揀左大碼試試。

貴野係唔同d，質地好舒服同埋好貼，好透氣，背扣我大約扣到中間，仲有空間伸延。美中不足係只有灰色同粉色揀，如果有多d色揀會更好。

依個表幾有用，開心share

２）平價Bra — 無牌子內衣 $33.3@

離開時，在佐敦地鐵站Ｃ出口附近見到間，$40/1個，$100/3個，現場見有好多款，摸落質地都唔錯，店員推薦左依款，話質地最舒服，好啱大肚婆著，碼數只分L及XL，我又唔知買邊隻好，店員叫我買XL。

返去試左ok喎，我扣到最入果格舒服唔緊，仲有空間，再肥d都著到。

如果大家想搵平平地嘅Bra，可以去睇下。唔係好記得間舖名，只係大約知道依個位。佐敦地鐵站C2出口寶靈街直行冇耐就見到。

yeah！又完成多一個任務了！

下一個任務係哺乳胸圍，即係餵奶Bra