Kai太的懷孕日記 @ 唔食飯無力頭暈 (26w6d)

今日中秋節，朝早食左個好豐富嘅早餐，公司放4點，所以下晝無出去食飯，怕食左飯夜晚食唔落，只係食左3/8舊雙黃白蓮蓉月餅，超過左1/4個。食完已經好飽，因為1/4舊月餅等如一碗白飯的熱量，飲埋杯水就走。點知放工後越來越唔舒服，全身無咩力，覺得好頭暈同缺氧，等別係人多嘅地方，同埋個肚皮好痺，硬晒咁。好不容易才捱到返屋企，飲左碗湯，食d飯，慢慢有返氣力。可能同我晏晝無食到飯有關，我仲以為食月餅有白飯嘅熱量就夠，原來真係唔可以無碳水化合物！