雅培嘅講座一向搶手，一來唔係成日搞，二來座位有限，好似今日只限１００對父母參加，三來好難報名，之前有媽媽group send過資料出嚟，我試過打去報名，原來係特選媽媽先可以登記，所以每次在網頁見到講座資料已經爆滿。咁點先可以成為特選媽媽？可以在婦科診所內報名，然後等消息。如果有幸被選中，會收到短訊邀請優先登記，成功報名的媽媽會在講座五日前收到短訊或電郵通知申請是否成功。
雅培俾的文件夾中有一份「嬰兒進食紀錄表」，不但印刷精美，而且非常有用，可以自行影印多幾份，俾有份照顧ＢＢ嘅家人或工人姐姐一齊紀錄ＢＢ的進食及排便的情況。
文件夾內還有雅培產品的宣傳小冊子及其他懷孕資訊
講座分幾部份：
１）頭１０分鐘是大會簡介，由雅培講解產品資料
２）講題：「愉快生產」：由婦產科醫生鍾炎午講解生產的過程
３）講題：「營養資訊」：由營養師黃姑娘講解營養的知識
４）講題：「初生嬰兒護理知多少」：由兒科醫生張傑講解初生嬰兒護理的知識
５）最後４５分鐘是自由參與的「互動湊Ｂ實習區」，大會設置媽媽奶試飲區，營養資詢區，母乳餵哺學習區，嬰兒換片學習區，量度尿片重量學習區，由專業培月員示範各種湊Ｂ知識，現場更設有假ＢＢ俾各位準爸媽落手落腳試做。
現場設有拍攝專區
媽媽奶試飲區
因為講座的關係，暫時只試飲過美素佳兒及雅培的媽媽奶，感覺雅培的媽媽奶味道冇咁甜較易入口，不過我都係唔係太喜歡飲奶粉，所以完全無購買意慾。
個人覺得雅培媽媽講座時間雖然長，不過資料最多而且實用，如果各位冇時間參加咁多個媽媽講座，可以淨係報名雅培都ＯＫ。
完場後收到大會的禮物袋，有一個熊仔ＢＢ枕，兩包媽媽奶試飲裝，兩包baby arauＢＢ洗衣液。禮物唔算豐富，以前送胎心機吸引好多，不過勝在講座知識夠豐富。
沒有留言:
張貼留言