Kai太的懷孕日記 @ 已經20週喇！(20w0d)

不知不覺間，孕期已經去到一半，弘弘在肚中大得好快，仲郁得越來越勁，只係三個星期，個肚漲左好多，而家肚圍去到35吋喇！本身著開嘅衫裙亦開始唔啱著，要買過d鬆身衫先得喇。

踏入穩定期，已經冇晒反胃嘅感覺，胃口回復正常，仲成日覺得肚餓添！
數數手指，原來仲有四個月左右就出世，開始緊張了。
尋日收到美贊臣寄來的BB展入場劵，下星期為弘弘血拼了~

【文章分享】媽媽的最苦

媽媽的最苦 (寫得很好,正是做媽媽的想法)

如果你是打工一族，你的最苦可能是：
1）公司倒閉 2）減薪
3）一個人負責太多工作

但作為一位媽媽，她的最苦又是甚麼呢？

很多媽媽在一個外國的親子討論區留下了以下的心聲：

1、沒有私人時間去做私人事情，例如：舒舒服服地來一次浸浴。

2、我是個心軟的人，但為了孩子好，有時要故意狠下心來，拒絕她的要求，然後對着她失望的表情，還要扮作視若無睹。因為，如果我一讓步，將來就很難教了。

3、作了一個決定後，內心會不停來回掙扎，恐怕自己如果作錯了選擇，就會害苦了孩子。
（註：香港的父母，在為孩子選擇學校時，相信最能體會這種感受吧。）

4、為了要照顧孩子，可能幾天也沒有機會和一些同年紀的人談過話，或一起做一些成年人的事，例如：逛街、購物等。

5、當你已經極端疲倦，而他們卻十分精神，於是你要繼續扮演着守護者的角色，以防他們出意外。

6、當孩子生病或受傷了，你是他的媽媽，但除了餵藥和陪伴左右之外，你完全沒有甚麼可以幫到他，這種感覺實在令人感到心碎。

7、雖然很想陪在孩子身邊，但由於我是一位在職媽媽，為了工作，必須將孩子交到他人手上，然後自己繼續上班，那種感覺真是很難受的。

8、當他嚎啕大哭，而我又完全不知道真正原因，這會使我感到非常難受和無奈。

9、當我生病了，而沒有人可以幫我減輕工作，依然要獨力去照顧孩子的一切，是最難受的。

10、我是個愛清潔的人，但有了孩子後，我根本沒有時間和精力，去把住所清潔得乾乾淨淨。看見那些橫躺着的垃圾和地板上的污跡，我感到很難受。

11、經濟變得緊絀，以前未有孩子時，看見心愛的東西可以毫無顧慮地買，現在都要好好計劃，再不能亂花錢了。

12、為了要幫助他成材，很多時必須狠心一點，就算有些事情是違背他意願的，也要逼着他去做。
（註：我的親身感受是，每天清晨六時半，要叫小孩子起牀上學時，看見他疲倦的表情，但又不能讓他繼續睡，我的心也是怪難受的）

13、很想做好一個媽媽的工作，但又經常擔心自己做得不夠好。

14、當他不在我身邊時，會經常擔心他的一切，例如：吃得好嗎、睡得好嗎、安全嗎等等。

在芸芸留言中，最經典的可以說是以下這個：「照顧孩子，的確要吃很多苦。但為人母親的快樂，把一切苦都沖淡了。回想起來，一切都只是快樂的回憶！」

作者：梁繼璋

（原文刊於673期《東周刊》http://eastweek.my-magazine.me/main/55979）

Kai太的懷孕日記 @ 「荷蘭美素佳兒」產前講座 (懷孕期媽媽及寶寶十大營養須知及育嬰技巧示範)

荷蘭美素佳兒媽咪會：謝謝您早前對我們講座的支持，現優先邀請您參加由註冊營養師及護士主講的「十全營孕產前講座」，詳情如下：

日期：7月23日(星期六)
地點：尖沙咀香港金域假日酒店
內容：懷孕期媽媽及寶寶十大營養須知及育嬰技巧示範
可選擇之講座時段：上午11時至1時或下午2時至4時。

如有興趣參加及登記，請致電美素佳兒登記熱線36195801，座位有限，額滿即止。
查詢： 28593705

********************************************************************************************

上星期收到短訊邀請後立即報名，成功報左下午場！
講座分兩部分，上半part係由註冊營養師負責，佢講解左好多關於懷孕期媽媽的營養知識及攝取，之前都在媽媽手冊裡學過，但經佢再講一次，具體好多同印象更深刻！節錄例如：
- 食狹豆類(如荷蘭豆, 蜜豆, 四季豆等)或寶礦力1:1溝水飲可預防抽筋
- 食深色肉類或蔬果可以吸收鐵質 (包括牛肉、羊肉、鯖魚、秋刀魚、倉魚、紅莓乾、車厘子等)
- 每日讓皮膚直接曬10-15太陽可吸收足夠維他命D
- 深綠色蔬菜含豐富的葉酸, 一星期要食四次一碗份量的深色菜

上圖是懷孕期間孕婦一日所需攝取份量，佢誇張左話如果攝取齊晒所有營養，需要食幾多同一份食物先得。依個好似一個數學遊戲，要計下每種食物有咩營養，自己食左幾多。要跟住食冇問題，但係人會飽家嘛。。。。。。最慘係食飽晒都未夠某種營養量。經我一番研究，已經掌握到自己一套飲食原則，每日提醒自己食以下東東，再加均衡飲食就ok。 (由於太多種食物，我只係寫左自己平時鍾意食同埋大機會食到的食物出來)

懷孕期間孕婦一日所需攝取營養份量
- 鐵 24毫克(mg) (牛肉, 杏仁, 穀物早餐, 深綠色蔬菜, 乾豆類, 車厘子)
- 鈣 1000-1200毫克(mg) (一杯牛奶 /  一杯豆漿 / 兩片芝士 / 菜心300克 =300毫克, 杏仁15毫克=40毫克, 橙一個=60毫克)
- 鎂 370毫克(mg) (5g紫菜=鎂23毫克, 綠葉蔬菜 / 杏仁 / 肉類 / 澱粉質 / 牛奶)
- 維他命A 800微克(μg) (蕃茄 / 紅蘿蔔 / 蛋黃)
- 維他命C 105毫克(mg) (橙兩個 / 奇異果一個)
- 維他命D 10微克(μg) (曬太陽10-15分鐘 / 雞蛋, 三文魚, 奶)
- 蛋白質 70克(g) (雞蛋 / 牛奶 / 肉類)
- 鉀 2000毫克(μg) (香蕉 / 西瓜 / 哈密瓜 / 橙汁 / 薯仔 / 蕃薯 / 豆類 / 蜜糖 / 紅蘿蔔汁)
- 鋅 16.5毫克(μg) (白菜 / 海帶 / 果仁 / 動物肝臟 / 蠔, 蝦, 蟹 / 蛋黃 / 牛奶 / 豆類 / 糙米)
- 碘 230微克(μg) (5g零食紫菜=170微克, 雞蛋一隻=18微克, 牛奶一杯=20微克)
- 葉酸 600微克(μg) (葉酸補充劑一粒, 深綠色蔬菜, 蛋黃, 奇異果, 牛奶)
- DHA 200毫克(mg) (藻油DHA一粒, 三文魚)
- 水份 10-12杯 (包括水, 湯, 奶, 果汁)

懷孕期各種營養素每日建議量及其食物來源

營養素	每日建議量	食物來源
蛋白質	60克	肉類、雞蛋、奶類、魚、豆腐、豆類等
葉酸	400微克	菠菜、西蘭花、全麥包、已添加粟米片、蛋黃、香蕉等
鐵質	18 - 23毫克	紅肉、肝臟、深綠色葉菜、乾果等
鈣質	1200 - 1500毫克	奶、芝士、乳酪、豆腐、連骨魚、深綠色葉菜等
維他命D	5微克	奶、蛋黃、肝臟、魚等
維他命A	800微克	肝臟、蛋黃、紅蘿蔔、蕃茄、深綠色葉菜等

唔係大肚都唔會咁留意營養學，減肥都冇咁好心機！
因為有d營養唔可以過多，例如維他命A，攝取過量會導致K胎，維他命C過多就會影響便秘，碘過多就會有甲狀腺問題。所以醫生點解咁強調均衡飲食的重要。同埋有d食物好有益，含多種營養，食一樣就攝取幾種營養，唔會嘥左d quota，例如雞蛋，每日食一隻好有益；杏仁，每日一湯匙；牛奶，每日最少一杯；深綠色蔬菜，最好日日食；奇異果/橙，一日一至兩個。


講座中場休息，用換領劵試飲左美素佳兒媽媽奶及用媽媽奶製成的薑汁燉奶，媽媽奶唔太甜，易入口，薑汁燉奶都ｏｋ，現場購買媽媽奶一罐仲送胎心機，購買兩罐加送牛牛被同埋精美媽媽袋一個，不過自己都係鍾意鮮奶多ｄ，所以冇買到。


下半場係育嬰知識，由護士教大家同BB仔沖涼。依part我好集中精神睇，因為老公唔得閒陪我嚟，而我從來未接觸過依方面的資訊，所以好俾心機聽。由洗頭仔，換片片，沖涼，洗肚臍，抹面仔，好似要開壇作法咁，姑娘做好輕而易舉，好驚自己會搞唔掂呀＞＜　希望遲d去醫院聽可以實戰練習下啦。

總括今日個講座幾實用，完場派禮物袋，同埋一開始玩遊戲送的三角枕。
禮物唔算好多，但三角枕真係好有用啊！

Kai太的懷孕日記 @ BB衫品牌NEXT

朋友介紹英國品牌 NEXT d BB衫，質地好又齊碼。
今日上網睇，真係好靚（心心眼）

新生嬰兒套裝都幾抵，有4件裝/5件裝，八十幾蚊起，襪仔就五十幾蚊5對，帽仔五十幾蚊3對，計埋運費都好合理。

好好好好好鍾意依件熊貓衫呀，好可愛，又暖。但係成二百幾蚊件，仲貴過阿媽d衫......最慘係細路仔大得快，著唔得好耐，好掙扎呀><

http://hk.nextdirect.com/zh/g53768s6#442741

Kai太的懷孕日記 @ 「雀巢營養天地」產前講座 (1000天的過敏預防)

雀巢營養天地：恭喜您已成功登記「雀巢營養天地」產前講座。提提準媽媽敬請準時出席2016年7月17日（星期日）中午12:00-13:30於旺角帝京酒店六樓喜宴堂舉行之產前講座。講座內容：孕育健康寶寶∕懷孕分娩知識你要知！EN/CN : 21798333。

新手媽媽產前講座-1000天的過敏預防（中午場）

日期:	2016年07月17日
時間:	中午 12 時至下午 1 時 30 分
場地:	旺角帝京酒店六樓喜宴堂 （旺角太子道西，近新世紀廣場）
講者:	徐傑醫生（兒科專科醫生） 何靖醫生（婦產科專科醫生）
主題:	孕育健康寶寶／懷孕分娩知識你要知!
名額:	300

***************************************************************************

今日去雀巢講座，分上下半場，由兩位醫生主講，最尾有問答環節。
第一部份係講由懷孕到分娩的知識，第二部份係講ＢＢ的敏感與疾病。
我地覺得兩位醫生都講得好好，內容好實用，特別係徐傑兒科醫生，佢講得好生動，全場好多笑聲。

完場後派發禮物袋。

Kai太的懷孕日記 @ 首次買BB衫

GAP大減價，特價貨品買滿5件再額外六折（特選會員享五折），折左都係廿幾三十蚊件，好抵呀😍 忍唔住買左幾件戰利品俾弘弘。

其實望住d初生嬰兒衫，都無從入手，唔知應該買幾厚、著幾多件，咩款式先啱。0-3month最唔敢買，因為唔知佢出世有幾大隻，所以今日掃5件都係3-6month。

新手媽媽好多野唔識，仲有好多野要買，包被、奶樽、消毒器、座奶器、BB洗衣液，唔知買咩牌子好，驚衝動買錯左/買貴左。8月份BB展前要搵定晒d資料先！

Kai太的懷孕日記 @ 「惠氏」產前講座 (產前產後湊B實習班)

惠氏媽媽的產前講座，知道的時候已經額滿了......
希望下次報得切名啦～

Kai太的懷孕日記 @ 婦產科醫生費用參考【實用】

加入了Baby Kingdom 12月媽媽會，認識了好多預產期12月的媽媽。個Group有好多資料，例如邊度買BB衫平，孕婦瑜珈、BB洗衣液、BB尿片牌子、產前講座等，因為個group太多人，有時都追唔切d message^^" 

以下依個資訊係我覺得好有用的，都係各位準媽媽集合資料一代傳一代，我稍微整理一下，附加朋友介紹的醫生，希望幫到其他媽媽。

婦產科醫生報價：
大家知價錢就繼續報。

【產檢】：
鄧悦翹-$900 (有相，有CD)
張國良-$280 (只收開刀)
杜偉雄-$280
黃逸華-$400一次，不過無藥
鄧國雄-$400
方敏豪-$455
黃建新-$500一次
羅致廉-$700一次，超聲波相+$10
陳麗燕-$700一次
霍麗玲-$900一次
巫少慈-$900一次
朱偉怡 檢查-$600-800一次，超聲波$500
陳柳娟 初次$1300，之後$1000
何嘉慧-$800
荃灣施璁伯-$800一次，無藥
楊添榮-$1000
孫錫鴻-$980
尤漢維-$700（有相，包藥費）
張智  $880
盧乃本 $800
高錦安 $800
沙田施聰白 $1300
曾祥風 $1000
林翠苗 $900
蘇惠林 $1050
吳佩珊 $1080
陸國輝 $640
羅宇帆 $700
黃凝   $1380
溫紅紅 超聲波-$530 診金-$150
靳嘉仁 $900，有相，唔包藥
岑德強 $900 (有相，有CD) 唔包藥
鍾嘉良 $1,600 (有相，有CD,有藥)
仁安吳崇傑 $1150 有相

翹康診金價格 (翹康診所大部份都係仁安醫院的醫生)：
翹康林兆強　$500
翹康陳帆　$500
翹康吳珮珊　$700
翹康張耀昌　$700
翹康彭欣欣　$650
翹康余醫生　$750
翹康葉承楷　$750
翹康廖琳娜　$750
張智醫生　$800
黃濤醫生　$700
馬靜怡：$850藥+$100
將軍澳仁安：董志偉，林兆強$800

【照結構】：
＊照結構最好在18-22週內進行，因為唔係個個婦產科醫生都有得照結構，所以建議預早book，特別係星期六時間，最少都要早一個月。
楊添榮-$1200 (❌冇DVD)
靳嘉仁 refer to 何美華-$2000
鄧悦翹-$2000（有DVD）
陳敏儀-$1800
馮樹明-$1800 （有DVD）
張智-$2000
羅宇帆-$2000 (單胎）-$3000(孖胎）
孫錫鴻- $2500
尤漢維-$2000 (❌冇DVD)
王紹宏-$2600 (有DVD，相)
劉子健- (如nifty join埋$3000）正常$3500
林勇行-$3500
王培儀-$1800
中環產前診斷中心 $3500
仁安 冼醫生 $2950
謝喜兒-$1800

【Nifty、T21、Panorama】：
黃建新T21 $7000
孫醫生T21 $6800 產檢$980
林勇行 Nifty $6400
蔡玉介紹另一位醫生 Nifty $6xxx
張智 Nifty $6000
陳麗燕 Nifty $6000, Panorama $8000
劉子建 Nifty $6000 已包括診金
林雅麗 Nifty $5300 診金$500. 照2D $200
翹康 Nifty $4700, T21 $9000
杜偉雄 $5000
婦健 $6500
鄧悅翹 $6500
婦健 nifty $4800
荃灣施聰白 nifty $6500 T21 $7500
靳嘉仁 T21 $7000
岑德強 Nifty $7000 產檢 $900
港安 $6800
仁安 Nifty $5000


NIFTY
華大健康, 中國無創產前基因 。胎兒染色體數目異常是一種常見的出生缺陷。臨床上常見的染色體非整倍體疾病包括21-三體綜合。篩檢適合懷孕至少 10 週的婦女。

敏兒安T21是一種用於篩查胎兒染色體非整倍性, 如唐氏綜合症、18-三體綜合症及13-三體綜合症,的非侵入性產前DNA檢測方法。該診斷技術由香港中文大學研發。

T21& nifty 除咗check 唐氏綜合症(T21)，仲可以check埋愛德華氏綜合症(T18)、巴陶氏綜合症(T13) &性染色體異數。

Panorama 產前篩檢是唯一可檢查出三倍體綜合症 (Triploid Syndrome) 的非入侵性產前篩檢。在懷孕期間，BB的DNA會傳到媽媽的血液內。Panorama篩檢透過該DNA，檢查出BB是否有潛在的疾病風險。
Panorama 為每一個媽媽提供一個個人化的危機水平分數來表示寶寶患上各種基因疾病的可能性，如唐氏綜合症﹑愛德華氏綜合症﹑巴陶氏症﹑特納氏綜合症﹑各種性染色體異 常及三倍體綜合症。除此之外，Panorama 亦備有附加篩查去檢查各種微缺失綜合症，包括: 22q11.2微缺失症候群﹑1p36微缺失症候群﹑貓鳴症候群(5p-)﹑天使人症候群(15q11.2maternal)以及普瑞德威利症候群 (15q11.2paternal) 。篩檢可在早於9周懷孕期間進行。

Kai太的懷孕日記 @ 「美國智多健」產前講座 (懷孕媽媽和嬰兒健康講座)

之前報左好多產前講座，今日同Kai先生一齊去。

美國智多健"懷孕媽媽和嬰兒健康免費講座"
出席媽媽致送:
美國高純度藻油孕婦DHA丸及精美禮品
時間: 7月10日 (日) 下午2:30分
地址: 沙田大圍道28-30號松栢樓地下A&B 屈臣氏店內 (大圍港鐵站A出口)
留位號: C138

呢個唔太出名奶粉商，但佢地強調係唯一一隻係美國FDA認證，奶粉成份同母乳接近。講座大概個半鐘，有個營養師負責主講，感覺似sell野多d，Kai先生直頭聽到瞓著左。不過知道魚油丸同藻油丸嘅分別，深海魚有水銀，同埋知道如何挑選配方奶粉要注意的地方，都有得著嘅。完場有即場購物優惠，我地都買左佢嘅藻油丸同除疤膏，仲有好多野送添。

有關藻油丸，之前淨係聽過惠氏，因為佢賣廣告實在太行，朋友都係食佢的藻油丸同materna，本來都有諗過買晒嚟食，但係兩樽一齊食實在太貴，materna萬寧賣＄２ｘｘ一樽，惠氏藻油DHA賣＄３ＸＸ樽，兩樽一齊食一個月咪差唔多六百蚊？本身有食開葉酸，materna都係葉酸＋綜合維他命，所以最後淨係決定買藻油DHA，三樽優惠裝＄８８８，除返開每樽＄２９６。點知今日美國智多健的藻油丸唔單止平好多，純度仲高，冇咁多添加劑，仲有美國FDA安全認可，呻笨喇T^T 講座優惠買4送1，用埋減＄１００ coupon，同埋Watsons優惠，除返每樽都係＄１６ｘ......一次過買左五樽，計埋今日送果樽，同埋惠氏果三樽，夠食到生了。營養師建議最好食到生產後三個月，因為頭三個月要餵母乳，媽媽食藻油DHA可以令到ｄ奶有營養ｄ，對ｂｂ腦部發展好有用。其實我好憎食藥架，不過為左ｂｂ健康，頂硬上啦。

Kai太的懷孕日記 @ 私家產檢 (17w1d)

今日照左超聲波，知道BB係男仔，哈哈，唔可以再叫你趣之喇，要改返個男仔名。姨姨叔叔同婆婆都好支持力弘噃，咁叫你力弘好唔好呀？哈，希望你好似王力宏哥哥同鄭俊弘哥哥咁有才華又靚仔。

今日醫生尤漢維叔叔都好好人呀，佢好細心幫你檢查，讚你好健康，Size正常，仲幫你影左張靚相添！你個樣好搞笑呀，好似纜緊安全帶揸車咁，成個車手咁款！唔通你有媽媽遺傳鍾意揸車車？😂
爸爸今日第一次同你見面，佢都好開心呀😊最緊要你健健康康。

一直都冇book私家醫生產檢，因為一心諗住如果政府做到嘅就唔洗嘥錢去私家做，慳返Ｄ奶粉錢嘛。但係後尾發現政府照完唐氏後就唔會幫我照，又唔知BB而家幾大，所以都係Check下穩陣Ｄ，萬一BB唔夠重或者大，都可以用時間追返嘛。

今日仲去左剪頭髮，大肚婆要爭取時間休息，夜晚洗完頭吹頭實在太嘥時間喇，而家一頭短髮好清爽。

Kai太的懷孕日記 @ 胎動！？ (16w5d)

這幾天好像感受到胎動喇，好似係又好似唔係，我同爸必都感受到呀，放隻手在肚皮，feel到輕微彈下彈下咁，BB好似在肚度游來游去，感覺好得意呀。