Kai太的懷孕日記 @ 真的Bingo了！

上午Check到之後，夜晚去左家計會驗多次，拎懷孕證明。在家計會度驗，幾秒就出結果，證實懷孕，姑娘都話：「恭喜你地，真係中獎喇！」見到果一刻，仍然覺得感覺好唔真實，我就嚟做人媽媽喇～姑娘開左樽葉酸俾我，叫我頭３個月都要食。我問佢洗唔洗戒口，佢就話飲食均衡就得，食葉酸就夠。同埋姑娘有叮囑我，如果這段期間有咩事，見血見啡就要立即去醫院。是次檢查收費：見姑娘$25，驗孕$70，葉酸(100粒)$70。