Kai太的懷孕日記 @ 廣華產檢 (30w5d)

尋日開始作病，俾老公傳染左，今次隻菌好惡，只係一晚就已經惡化得好緊要。鼻水倒流落喉嚨好辛苦，吞每一啖口水都勁痛，完全瞓唔到......T^T

今朝仲要去產檢，又是漫長的等待......今日比平時辛苦，又要等抽血，等到12點半，終於有得見姑娘。佢幫我摸肚仔，聽BB心跳，好快就見完。我問姑娘可唔可以見醫生開d藥俾我食，因為我感冒真的很辛苦，佢就話如果要見醫生都可以，但要再等多個幾鐘，起碼等到1點9......橫掂出去睇都係要等，唔想行來行去喇，所以答應等，而家最想食藥。

見完姑娘仲未走得，要排隊抽血，但我已經餓到不得了......上次產檢姑娘話抽血唔洗空腹，但唔好食咁豐富嘅早餐，所以我唔敢食咁多，而家後悔了。12點9，抽完血後繼續等醫生，點知姑娘走出嚟搵我，佢話唔洗見醫生了，佢將我d病徵同左醫生講，醫生開左d藥俾我，未見醫生就開到藥，真係第一次，不過唔洗錢就算啦，最緊要有藥食。

跟住我落去地下藥部拎埋d藥就去食飯，剩係等藥都等左半個鐘......今日真係過得好漫長。